Приветствую Вас, Гость
Главная » Статьи » Наши статьи

Эдэр учууталбытынан киэн туттабыт

Эдэр учууталбытынан киэн туттабыт

Ф. Г Охлопков аатынан Майа орто оскуолатын нуучча тылын  уонна литературатын  эдэр учуутала,   кылаас салайааччыта,  региональнай « Эдэр учуутал - 2016» күрэх кыайыылааҕын кытта  Устинова Виктория Викторовнаны  кытта көрсөн кэпсэттибит уонна биһиги ыйытыыларбытыгар эппиэттииригэр көрдөстүбүт.

-Учуутал диэн кимй?

Учуутал диэн бастатан туран, духуобунай  өттүнэн баай, олоххо сөп көрүүлээх , онтукатын оҕолорго биэрэр, кинилэри  арыаллыыр суолу тилэн биэрэр киһи дии саныыбын.

-         Нуучча тылын уонна литературатын идэтин тоҕо талбыккыный?

Тылга оскуола эрдэхпиттэн сыстаҕас буоламмын, нуучча уонна омук тылын сөбүлээн үөрэтэр, үөрэнэр этим . Ордук нуучча  литературатын  сэҥээрэрим, ааҕарым. Ол иһин литература учуутала буолар эбиппин диэн оскуоланаы бүтэрэр сылга быһаарынан   үрдүк үөрэххэ киирбитим.

-         Аныгы кэм учуутала хайдах буолуохтааҕый?

Бастатан туран - компетентнай. Кини улэтин юридическай өттүнэн иһин- таһын толору билэр,  методическай улэтин ис дьиҥин баһылаабыт, оҕоҕо олус чугас сыһыаннаах, үөрэнээччи интэриэһин билэр уонна уруогун саҥа үйэ ирдэбилигэр сөп түбэһэр курдук ыытар  учуутал дии саныыбын.

-         Эдэр учуутал аан маҥнай үлэлии кэлэн баран туохха ыарырҕатарый?

Университекка устудьуоннуу сылдьан үөрэппит билиилэриҥ, теория уонна практика дьиҥнээх улэҕин кытта сороҕор сөп түбэспэттэр эбит. Холобура, докумуон толоруута, оҕону кытта аан бастаан хайдах,  туохтан саҕалаан үөрэтэргэр чопчу ирдэбиллэр уо д а .

-         Улууска ыытыллыбыт "Эдэр учуутал- 2016” күрэх кыайыылааҕа буолаҕын, ол туһунан кэпсээ

Үөрэх дьыла саҕаланыытыгар быһаарыллыбыта кыттарым. Онтон саҕалаан ,  кыралаан бэлэмнэнии барбыта. Ол курдук «Мой урок литературы» республикатаа5ы  күрэххэ классическай гимназияҕа  аан бастаан аһаҕас уруок ыытан холоммутум. Онно хайҕал суругунан наҕараадаламмытым. Бу  уруоктан  күүс, тирэх, эрэл ылынан салгыы улуустааҕы эдэр учууталлар күрэхтэригэр биирдиилээн этаптарын чочуйа улэлээн барбытым.  Миэхэ оскуолам коллектива  күүс- көмө буолбуттара.

-         Региональнай "Эдэр учуутал- 2016” күрэх кыайыылааҕа буолаҥҥын  эһиил Мэҥэҕэ ,  үлэлиир оскуолаҕар  бу конкурс буолар.  Күрэх туһунан  кэпсээ

 Региональнай конкурска уопсайа 7 улуустан 30  кыттааччы 2 күнү быһа Хара орто оскуолатыгар буолбута. Күрэх  ,мин санаабар, эйэлээх, доҕордуу сыһыаны олохтуур  сыаллаах, сүрдээх үөрүүлээх, долгутуулаах, бэйэ санаатын этэр иһирэх кэпсэтиилээх, эдэрдии эрчимнээх  эйгэлээх буолбута.  Манна улуустарбыт араас муннуктарыттан сүрдээх талааннаах, бэйэлэрин идэлэрин таптыыр уонна аныгыы көрүүлээх биир идэлээхтэрбин кытта кэпсэтэн, доҕордоһон ааспыппыттан астынабын.

-         Конкурс ыарахан түгэнэ, түһүмэҕэ?

Эрдэттэн бэлэмнэниим учүгэй буолан, ситэтэ суох диэн санаата суох улаханнык  ыгылыйбакка түһүмэхтэри аастым.  Ханнык баҕарар учууталы уруогунан көрөллөр, мин эмиэ аан бастаан Хара оскуолатыгар , саҥа көрөр билбэт оҕолорго  уруок ыыта киирэрбиттэн долгуйбутум.

-         Конкурска кыттан баран, тус санааҥ

Ханнык баҕарар күрэх сыала- соруга кыайыы- хотуу эрэ буолбатах. Бастатан туран,  бэйэни сайыннарыы, бэлэмнэнии процеһа уонна опыт атастаһыыта . Онтон улэ, күрэх түмүгэр, уруоккун, кылааһы таһынан оҕолору кытта улэ түмүгүнэн  бэйэҕин  обьективно сыаналаан, итэҕэстэри   көннөрүү, анализтаныы, билиигин өссө дириҥэтэргэ дьулуһуу буолар.    Бэйэм идэбэр саҥаны билэр- көрөр баҕа санаа күүскэ киирдэ. Эдэр учууталлар,  конкурстан толлубакка,  араас буолар аһаҕас уруоктан саҕалаан  учуутал идэтигэр уһуйуллан иһэргитигэр баҕарабын.

 

 

 

 

Майатааҕы Ф. Г Охлопков аатынан Майа орто оскууолатын юнкора Максимова Яна кэпсэттэ

Категория: Наши статьи | Добавил: gummaya (25.04.2016)
Просмотров: 62 | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]