Приветствую Вас, Гость
Главная » 2016 » Май » 10 » Ырыабыт ньиргийдэ, үҥкүүбүт үксээтэ Эйэ иһин, дьол иһин!
13:30
Ырыабыт ньиргийдэ, үҥкүүбүт үксээтэ Эйэ иһин, дьол иһин!

Кыайыы күнүн көрсө оскуолабытыгар учуутал, төрөппүт уонна  үөрэнээччи  кыттыылаах  улахан тэрээһин буолан ааста. Ол курдук, сыл аайы  Улуу Кыайыыга аналлаах  араас тэрээһиннэр  буолаллар.  Быйыл  оскуолабыт  организатора  Петров О. С, музыка учуутала Ларионова С. Я көҕүлээһиннэринэн, сэрии туһунан ырыаларга солистаах, кылааһынан  хор күрэҕин  тэрийдилэр.   Курэххэ 1-10 кылааска диэри оҕолор бары төрөппүттэринээн, үөрэтэр учууталларынаан кытыннылар.  Алын кылаас үөрэнээччилэрэ муусуканы олус сэҥээрэллэрэ, сэриигэ анаммыт ырыалары толору билэллэрэ көһүннэ. Кинилэр төрөппүттэрин , учууталларын кытта  ырыа ис хоһоонугар сөп түбэһэр курдук араас бииртэн биир хатыламмат инсценировкалары толкуйдаан,  саалаҕа мустубут көрөөччүлэр дууһаларын долгуттулар.   Гран – При хаһаайыннарынан буоллулар -  2 «б» кылаас коллектива, учуутал- Чичахова Лена Николаевна уонна атын кылаастар лауреат, дипломант буоллулар, анал номинацияларынан   наҕараадаланнылар.

Улахан кылаас оҕолоро эрдэттэн төрөппүттэрин кытта бэлэмнэнэн, музыкаҕа үөрэтэр учуутал көмөтүнэн  уонна анал ырыаҕа сыһыаннаах төрөппүттэрин көмөлөһүннэрэн,  улахан хордары туруоран , инсценировкалаан, байыаннай формаларын кэтэн, нууччалыы, сахалыы , киһини уйадытар, долгутар ,  өрө күүрүүлээх патриотическай  ис хоһоонноох ырыалары  толордулар.   Үөрэнээччилэр , төрөппүттэр  уонна учууталлар  сүрдээх талааннаахтарын, муусукуны таптыылларын көрөн,  бары, саалаҕа мустубут дьон, астынныбыт, ис сүрэхтэн үөрдүбүт.    Этэргэ дылы,  саха норуота ырыаны- тойгугу былыргаттан  өрө тутан,  кини кэрэни кэрэхсиирэ, сырдыкка дьулуьара , айар талаана уһуктара көстөр.

Күрэх түмүгүнэн кыайыылааҕынан 7 «б» кылаас коллектива буолла. Манна солиһынан-  Афоня Капитонов , ийэтэ - Светлана Капитонова  хору салайан  ыытта.  Ону таһынан кылаастар анал номинацияларынан  бэлиэтэннилэр уонна  лауреаттар, дипломаннар  ааттарын   ыллылар.

 Маннык  сүрдээх өрө күүрүүлээх, патриотическай иитиигэ туһуланар,  төрөппүтү – оҕонү – учууталы   биир сомоҕолуур улахан тэрээһинтэн  бары үөрэн, астынан тарҕастыбыт.

Cүрэх үөрдүн, сир көҕөрдүн , доҕордоһуубут туругурдун!

«Охлопков NEWS»  юнкорпост салайааччыта Пахомова Н. Г

 

Просмотров: 154 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]