Приветствую Вас, Гость
Главная » 2017 » Октябрь » 31 » Военно-учебные сборы
11:34
Военно-учебные сборы

Майатааҕы Ф. Г. Охлопков аатынан орто оскуолатыгар алтынньы ый 27-29 күннэригэр сылын аайы ыытыллар байыаннай учуобунай сбор буолан ааста. Бу сборга 5-тэн 11 кылааска диэри уолаттар кыттыыны ыллылар. 3 күн тухары уолаттар 4 взводка арахсан,  бэйэни тургутар 11 араас көрүннэ күрэс былдьастылар. Ол курдук «Меткие и ловкие», баскетбол, саанан ытыы, Калашников автоматын макетын ыһыы уонна таҥыы, автомат маҕаһыынын таҥыы, туризм, викторина, патриотичэскай ырыа күрэҕэ, ырыа уонна строй көрүүтэ, тардыныы, военнизированнай эстафета.

Сбор биир үгэс буолбут тэрээһининэн буолар байыаннай патриотичэскай иитиигэ сыһыаннаах дьону кытта көрсүһүү. Ол курдук 3-с сылын көтүппэккэ көрсүһүүгэ Мэҥэ-Хаҥалас уонна Уус-Алдан военкоматын байыаннай комиссара Айал Дмитриевич Петров кэлэн уолаттарга армия, байыаннай уөрэхтээһин туһунан кэпсээн боппуруостарга эппиэттээн барда. Ону тэҥэ «Доблесть» общественнай түмсүү председателэ, байыаннай действиялар бэтэрээнэ Николай Мирославович Семенов кэлэн ыалдьыттаата.

Оборона миниистирин С. К. Шойгу көҕүлээһининэн Российскай Федерация иһинэн тэриллибит ЮнАрмия байыаннай патриотичэскай хамсааһын чэрчитинэн биһиги оскуолабыт уолаттара 2016 сылга Саха сириттэн аан маҥнайгынан бу кэккэҕэ андаҕар, удастабырыанньа тутан үөрүүлээх быһыыга - майгыга киирбиттэрэ. Сыллата ахсын 5 кылааска тахсыбыт уолаттар ЮнАрмия чилиэннэрин ахсаанын элбэтэн иһэллэр. Бу ситиһии - биһиги оскуолабыт иһинэн баар «Болот» байыаннай кулууп уонна үгэскэ кубулуйбут 3-с төгүлүн ыытыллар уол оҕону байыаннай патриотическай сбор тэрээһинин түмүгэ буолар.

Сбор кэмигэр уолаттары араас көрүннэргэ үөрэттилэр уонна такайдылар оскуолаҕа үлэлиир эр дьон: Владимир Семенович Эверстов – «Болот» байыаннай патриотичэскэй кулууп салайааччыта, ОБЖ учуутала, Петров Олег Сергеевич – дириэктэри иитэр улэҕэ солбуйааччы, Семен Иннокентьевич Кайгородов, Павел Николаевич Гоголев – история учууталлара, Михаил Дмитриевич Бурнашев, Егор Захарович Баишев, Артем Николаевич Пестерев – физкультура учууталлара, Никита Гаврильевич Скрябин – информатика учуутала, Михаил Сергеевич Попов – технология учуутала, Ньургун Иннокентьевич Яковлев – оҕо хамсааһынын салайааччыта, Денис Сергеевич Петров – авиа и авто моделирование учуутала, Лаврентий Афанасьевич Романов – алын кылаас учуутала, Семен Анатольевич Андросов – оскуола технигэ. Махталбытын тиэрдэбит уол оҕону иитиигэ сыһыаннаах оскуола тэрээһиннэригэр куруутун кыттар, байыаннай сборга бэйэтин билиитин үүнэр көлүөнэҕэ үөрэтэр субэһиппит Антон Гаврильевич Борисовка.

Быйылгы сбор уопсай тэрээһинэ ханнык да сыллардааҕар урдуку таһымнаахтык ааста диэн бэлиэтиибит. Ол көстөр оҕолор сыллата ахсын бэлэмнээх кэлэллэрэ, уолаттар бэйэ-бэйэлэригэр  сыһыаннарыттан, байыаннай үөрэххэ эппиэтинэстээх сыһыаннарыттан. Бу 3 күннэ уолаттар, оскуолаҕа хоно сытан, 4 взводка арахсан күрэхтэспиттэрин үрдүнэн, бэйэ икки ардыларыгар эйэлээх, убайдыы быраат курдук истинник сыһыаннаһан тапсан, өйдөһөн, биир сомоҕо күүс курдук түмүстүлэр.

Петров О. С., дириэктэри иитэр улэҕэ солбуйааччы

Хаартыскалар

                 

Просмотров: 93 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]