Приветствую Вас, Гость
Главная » 2018 » Сентябрь » 27 » Саха сирин суверенитетын күнүнэн!
18:51
Саха сирин суверенитетын күнүнэн!

Балаҕан ыйын 27 күнүгэр, Ф.Г.Охлопков аатынан Майа орто оскуолатыгар,  Саха Республикатын судаарыстыбаннаһын күнүгэр аналлаах торжественнай линейка үрдүк таһымҥа ыытылынна. Бары киэн туттар, холобур оҥостор чулуу  киһибит Филипп Гаврильевич бюһугар өйдөбүнньүк сибэкки дьөрбөтүн уурдубут, оһуохайы оройуттан туттубут. “Мэҥэ-Хаҥалас улууһа“  муниципальнай тэриллии аҕа баһылыгын 1 солбуйааччыта Птицын В.В. уонна Мэҥэ-Хаҥалас улууһун депутаттарын сүбэтин бэрэссэдээтэлэ Сазонов П.Д., “Майа нэһилиэгэ” муниципальнай тэриллии баһылыгын солбуйааччы Толстяков Г.Н.  бүгүҥҥү күн үөрүүтүн оҕолору, учууталлары кытта үллэстэн, ил-эйэ санаата үйэлэргэ барҕара турара, сайдыы суолун тобуларбыт тоҕоостооҕун ыйдылар, долгуйан туран эҕэрдэ тылларын эттилэр. Бу күҥҥэ аналлаах  кылаас чаастара, 5-8 кылаастарга “Игры разума”  интеллектуальнай оонньуу ыытылынна. Ону таһынан, балаҕан ыйын 22 күнүгэр, оскуолабыт иһинэн  “Феникс” бэйэни салайыныы о5о тэрилтэтин Президенин талыы быыбара буолан ааста. Быыбар түмүгүнэн үгүс куолаһы ылан, 9 б кылаас үөрэнээччитэ Охлопкова Олеся президенынан талылынна.  Бука барыгытын Судаарыстыбаннас күнүнэн эҕэрдэлиибит, үүнэ-сайда туруоҕуҥ!

 

Хаартыскалар

Просмотров: 35 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]