Приветствую Вас, Гость
Главная » 2016 » Февраль » 5 » Мэҥэҕэ - спорт сыла!
18:13
Мэҥэҕэ - спорт сыла!
Биһиги, сахалар, былыргыттан, мөлтөөбүтү-кыамматы аһынабыт, күүстээҕи-күдэхтээҕи өрө тутабыт. Төһө кыалларынан инники диэки дьулуһабыт. Тыйыс айылҕалаах буоламмыт, баҕар, оннук оҥоһуулаахпыт буолуо. Ыарахаттарга бэриммэт, өһөс, дьүккүөр, кытаанах санаалаахпыт. Тулуурдаахпыт, сындалыйбат уһун тыыннаах уһунньуппут, эстибэт эрчимнээхпит. Өбүгэлэрбит курэс былдьаhыыны сэҥээрэллэрэ, куустээх-уохтаах чөл киhи ытыктабылга сылдьара . Ол иhин, "Спорт" биhиги сурэхпитигэр, эппитигэр – хааммытыгар иҥэн сылдьар. Ол иhин , "Спорт" биhигини, Сахалары сомо5олуур.
Сахалар Олимпиадаҕа кыайыыны ситиспит омуктар. Ити сүҥкэн ситиһиини биһиэхэ Роман Михайлович Дмитриев аҕалбыта. Биһиги бастакы олимпиецтарбыт Роман Дмитриев, Павел Пинигин, Александр Иванов ааттарын үрдүктүк тутабыт. Сахалар спортка Аан дойду чыпчаалыгар кыайыылаахтык тахсар суолларын тэлбит көрүҥүнэн тустуу буолар. Билигин оҕунан уонна буулдьанан ытыыга, боксаҕа, сүүрүүгэ, харбааһыҥҥа сыыйа атын да көрүҥнэргэ урдук ситиһиилэрдээхпит. Ол курдук , мин киэн туттабын биир дойдулаахтарбынан, Вася Егоровынан уонна Ньургун Скрябинынан. Кинилэр Мэцэттэн силис тардан бу - кылыйа оонньообут кырдаллара, сөтүөлээбин уулара, үөрэммит оскуолалара, дьонноро, аймахтара, доҕотторо, уолаттар бастакы ситиһиилэрэ долгуйуулара – барыта манна этэ. Кинилэр , Мэцэ ыччатыгар, биьиэхэ бастакы холобур буолаллар. Кинилэр ситиһиилэрэ- бутун норуот ситиһиитэ.
Хас биирдии ыччат спорт ханнык эрэ көрүҥэр сыһыаннаах буолуохтаах дии саныыбын. Мин кыра эрдэхтэн спорду таптаан, бэйэм футболу талан утумнаахтык дьарыктанабын. Ол курдук хас да сыл күүскэ бэлэмнэнэн, оскуола, улуус чиэһин араас күрэхтэргэ көмускээбиппит.
Спордунан дьарыктанар киһи , мин санаабар:
Бастатан туран, ситиһии чэпчэкитик , күдээринэ кэлбэтин, өр, утумнаах эрчиллии кэнниттэн көрдерүү кэлэрин биллим. Ол иһин, тулуурдаах уонна дьулуурдаах буола улаатаҕын
Иккиһинэн, бэйэҥ сыалгын – соруккун тутуора, былааннана , бириэмэни сепке аттара үөрэнэҕин
Усуһунэн, түмсүүлээх буоларга үөрэнэҕин, элбэх биир интэриэстээх доҕоттордоноҕун. Кинилэр эйиэхэ тирэх, өйөбүл буолаллар.
Төрдүһүнэн, этин - хааныҥ чэгиэн, доруобай, куһаҕан дьаллыгы батыспаккын, куруук чэбдик сылдьаҕын.
Бэсиһинэн, тулалыыр эйгэҕин , төрөөбүт дойдуга бэриниилээх буолуу күүһүрэр. Дьоҥҥор – сэргэҕэр убаастабыл , киэн туттуу улаатар.

Тумуктээн эттэххэ, спорт- чэгиэн олох сүрүн төрдө, спорт - кэрэ олох суолдьута, спорт- ыччат инники эрэлэ, спорт- чаҕылхай ситиһии чыпчаала.

Ф. Г Охлопков аатынан Майа орто оскуолатын 11 “б” кылааһын үөрэнээччитэ Михайлов Ваня .
Просмотров: 124 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]