Приветствую Вас, Гость
Главная » 2018 » Декабрь » 7 » "Феникс" оҕо тэрилтэтэ
16:34
"Феникс" оҕо тэрилтэтэ

Ахсынньы 5 күнүттэн Россия үрдүнэн оҕо хамсааһынын декадата саҕаланна. Активист оҕолор, оскуола олоҕун интириэһинэй оҥорор сыаллаах-соруктаах үлэлиибит-хамсыыбыт. Араас идеялары толкуйдаан, конкурстары, күрэхтэһиилэри тэрийэбит. 1998 сыллаахха оччолорго Гуманитарнай оскуола эрдэҕинэ Феникс оҕо тэрилтэтэ тэриллибитэ. Номнуо 20 сыл ааһа охсубут. Бу сыллар тухары төһөлөөх элбэх оҕо бу актив иһинэн ааспыта буолуой?  Киһи ааҕан сиппэт.Бэлиэтээн этиэхпитин баҕарабыт кинилэр истэриттэн Гоша Васильев-Саас Устар-ырыаһыты, Валентин Макаров- Саха театрын артыыһын, Кеша Лебедев-ырыаһыт, Алеся Сосина- общественник. Бу «Феникс” оҕо тэрилтэтигэр үлэлээбит оҕолору кэтээн көрдөххө, бары билигин общественниктар, тэрилтэ салайааччылара, активистар. “ Феникс “ төрөөбүт күнэ сэтинньи ый 29 күнүгэр буолбута. Бэйэлэрин эҕэрдэлэрин кэлэн тиэртилэр  В.П.Ларионов аатынан оскуола  «Түмэн»  актив оҕолоро, Майа Лицейа уонна Мэҥэ Кэскилэ улууспут  активист оҕолорун хамсааһына. Бу декада чэрчитинэн биһиги араас акциялары, тимуровскай көмөлөрү, тэрээһиннэри ыытарга былаанныыбыт. Инбэлииттэр декадаларыгар «Феникс» актив оҕолоро Захарова Раиса Дмитриевнаҕа,Алексеева Ульяна Иннокентьевнаҕа муус сааһылаатылар, хаар күрдьэн көмөлөстүлэр.

Россияҕа аан бастакынан 2013 с. тэриллибит «Дьулуур» (Стремление) Оҕо биир сомоҕо хамсааһына  ахсынньы 5 күнүгэр төрөөбүт күнүн бэлиэтээтэ. «Ил Дархан 7 соруда5ын » кыайыылаахтарын, республикабыт бастыҥ лидердарын  на5араадалааһын буолла. Биһиги оскуолабытыттан 11 б кылаас үөрэнээччитэ, спортсмен, активист  Игорь Эверстов,  үтүө суобастаах үлэтин иһин, түөскэ иилинэр үрдүк бэлиэнэн наҕараадаланна. Өссө төгүл улахан эҕэрдэбитин тиэрдэбит.

 

Хаартыскалар

  

Просмотров: 11 | Добавил: gummaya | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]