Приветствую Вас, Гость
Главная » 2015 » Октябрь » 13 » Бэйэни тургутуу.
08:07
Бэйэни тургутуу.

Алтынньы ый 8 күнүгэр биhиги оскуолабыт иhинэн үлэлиир «Олох ыллыга» диэн проект иhинэн 7 уол «Бэйэни тургутуу» диэн ааттаах тэрээhиҥҥэ сылдьан кэллибит. Күммүт ардаҕа суох, сылаас буолан биэрдэ. Учууталларбыт Гаврил Николаевич, Егор Захарович, суоппарбыт Павел Павлович биhигини Томтор диэн дэриэбинэ аттыгар, өрүскэ илдьибиттэрэ.

Өрүскэ баран иhэн алаастарынан киирэн айаннаабыппыт уонна биир тоҥо илик күөлгэ кустарга түбэhэн, 11 кылаас үөрэнээччитэ Иванов Ганя, кус өлөрбүтэ. Өрүспүтүгэр тиийэн спинингынан, закидушканан балыктаабыппыт. Саанан сыал ыппыппыт. Ити иннинэ хайабыт даҕаны саанан ыта илигэ, онон бастакы холонуубут буолбута, олуhун долгуйбуппут. Саамай интириэhинэй күрэхтэhиинэн тэриэлкэ ытыыта буолбута, кыайыылаах сарсыарда бултаммыт куhу ылар диэн быhаарбыппыт. Уолатттар бары ыппыппыт. Күрэх бүтэhигэр икки оҕо хаалбыта: Иванов Ганя, Птицын Женя. Кыайыылааҕынан Ганя буолбута. Уонна бэйэтэ бултаабыт көҕөнүн үөрэн- көтөн дьиэтигэр илдьэ барбыта.

Ити курдук айылҕаҕа сылдьан, балыктаан, бултаан, сыал ытыалаан, астынан-дуоhуйан кэллибит.

  

Птицын Женя, Майатааҕы Ф.Г. Охлопков аатынан оскуола

6 «а» кылааhын үөрэнээччитэ.

Просмотров: 222 | Добавил: МСОШ№2 | Рейтинг: 0.0/0
Добавлять комментарии могут только зарегистрированные пользователи.
[ Регистрация | Вход ]